Jim Gyllenhammar

Jim Gyllenhammar gaf út yfirlýsingu í dag og sagði að hann myndi ekki keppa meira á þessu ári en hann meiddist á EM í Soffíu fyrr á þessu ári.
Jim þurfti að gangast undir hnéaðgerð í maí og segir að endurhæfingin gangi vel en hann ætli að einbeita sér að Svíþjóðarmeistaramótinu í febrúar næstkomandi og á EM 2006.

Jim sem er einn besti lyftingamaður Svía endaði í 12. sæti á EM með 170 kg í snörun og 215 kg í jafnhöttun, samtals 385 kg sem var hans besti árangur á alþjóðlegu móti.
Besti árangur hans er hinsvegar 170,5 kg í snörun og 220 kg í jafnhöttun, samtals 390 kg.

Jim hefur áður gefið það út að hann ætli að verða fyrsti Svíinn til að taka 400 kg í samanlögðu og verður gaman að sjá til hans í framtíðinni.

Ármann Dan